Gespreksgroepe

 

By die Midrandbyeenkomste is daar gewoonlik nie genoeg tyd om behoorlik te gesels oor alles wat interessant is nie. Daar is ook mense wat nie die Midrandbyeenkomste kan bywoon nie omdat hulle te ver bly of vanweë ander verpligtinge. Om aan die behoefte aan gemeensaamheid, gesellige samesyn en stimulerende gesprekke te voldoen, moedig ons mense aan om gespreksgroepe te vorm in areas waar daar so ‘n behoefte is. Elke gespreksgroep besluit self waar en wanneer hulle wil vergader en wat hulle wil doen. Vir inligting oor die funksionering van bestaande gespreksgroepe, kliek op die skakels hieronder.

Groepe wat vergader

 

Centurion Gespreksgroep
Dis ‘n lekker informele en hegte groep. Hulle voer hoofsaaklik dialoog, sal soms ‘n boek bespreek.
Wanneer: Een keer per maand (gewoonlik die tweede Sondag van die maand)
Waar: Rondreisend, maar hoofsaaklik by Sakkie-hulle se huis
Kontakpersoon: Sakkie Spangenberg
Kontaknommer: 0828474489

Jeffreysbaai Gespreksgroep
Gesels oor spiritualiteit en filosofie
Wanneer: Een keer per maand
Waar: Astonbaai
Kontakpersoon: Dr. Albie Gibson
Kontaknommer: 0825780752

Pretoria Algemeen Gespreksgroep
Kom gewoonlik byeen in die week ná die vorige Sondag se Midrandgesprek. Die bespreking handel onder andere oor die afgelope vorige Sondag se onderwerp.
Wanneer: Elke Woensdag ná Sondag se Midrandbyeenkoms om 19:00.
Waar: By een van die lede in die groep se huis.
Kontakpersoon: Annamarie Steyn
Kontaknommer: 072-357-0966

Saamkuier-etes

 

Ons het minstens eenmaal per seisoen ‘n gesellige bring-en-deel-ete direk ná ‘n Midrandbyeenkoms. Dit is ‘n goeie geleentheid om saam met vriende te kuier en vir nuwelinge om in te skakel en die NHNers te leer ken.

Lente-ete 15 September 2019
Die lente is in sy volle glorie hier en ons vier dit na afloop van die Midrand-byeenkoms met ‘n ete. Hierdie keer bou ons ons eie bord pasta met pasta’s en “toppings” wat elkeen gaan bring. Om die bydraes te koördineer, kontak vir Johan Talma by talma@mweb.co.za en dui aan wat jy sal bring, hetsy ’n soort pasta, ’n sous of “topping” vir bo-op die pasta, of moontlik ‘n poeding of vla. Die warmskinkborde sal reeds voor die aanvang van die lesing aangeskakel wees om al die geregte warm te hou. Almal is hartlik welkom. Hierdie kuiers is telkens besonder gesellig. Selfs al vergeet jy dus dié dag om iets te bring, kom gerus; daar is altyd genoeg te ete en drinke.

Uitstappies

 

Die NHNers geniet dit om interessante of opvoedkundige plekke te besoek.

Verjaardag-uitstappie 27 Oktober 2019
Die NHN is vanjaar 15 jaar oud. Om dit te vier, onderneem ons Sondag 27 Oktober ‘n uitstappie na die Hartebeespoortdam-omgewing. Ons sal onder andere by die fliekdorpie “Pretville” ‘n draai maak en ook meer te wete kom van die geskiedenis van die omgewing, wat insluit die Pretorius-, Kruger- en Schoemanfamilies se impak op die ontwikkeling van die streek en sy bakens. Die uitstappie neem om 09:00 in aanvang en sal tot ongeveer 14:00 duur. Die koste beloop R250, wat ligte versnaperings sal insluit. Laat weet asseblief vir Johan Talma by talma@mweb.co.za indien jy belangstel om saam te gaan.

Netwerk: SASS Piekniek 24 September 2019
Die Pretoria-tak van die Sekulêre Vereniging van Suid-Afrika (SASS) is vanjaar in hul vyfde bestaansjaar. Ter viering hiervan nooi hulle anders-eendersdenkende groepe: SASS (Oosrand/JHB/PTA), ons die NHN, Skeptics in the Pub en Ateïs Afrikaans (‘n Facebookgroep) na ‘n kenmekaar-piekniek, waarskynlik by Groenkloof Reservaat in Pretoria. Ons onderskeie groepe sal ons kortliks aaan mekaar bekendstel, aandui wat ons doen en waar en hoe ons funksioneer. Hierdie is die beste geleentheid tot nog toe om meer van anders-eendersdenkendes in ons kontrei te wete te kom. Besprekings vooraf is nie nodig nie.